اولمقلقلرى و مراتب ايله تابع اولملرى و خربده قواعد و قانونلرى بياننده در الباب الخامس اول شهرده قونلان خزينه‌لر التون و كمشدن و زاد و زواده ايچون حفظ اولنان غلال و كرمه و عناب و فندق و فسدق و جوز و لوز تاصمان و اودونه وارنجه و دخل و خرجى بياننده در و هر نسنه كه پادشاه جانبندن و يريلور احسن اقمشه و ملون اطلسلر و بيزلر و يريلور و خزينه‌لرك در و ديوارلرى و التى ييلده دورى تمام اولور الباب السادس تخت و سلطنت و نشانلرى و مهرلرى و خطلرى و سراى و ديواط و طشره سرايده اولان بكلرينك ديوانخانه‌لرى وايچرى سرايده اولان بكلرينك ديوانخانه‌لرى و سرايلرى كه انده اولان قزلرك خادملرى و اغالريدر كه ضبط ايدرلر و ايج سرايده نقدر بيك قزاوغلان واردر و پادشاه خدمتى ايچون نقدر لاله عذار عذرالر واردر و مذكور سرايده انلرك و غيرى امورك ضبط و ربطى ايچون نقدر بيك خادملر واردر و ملك خطانك قزلرى و اقرباسندن اولان سلاطين عالىنژاد و خواقين صاحب مجاد و سائر وزراى عظام و امراى كرامك قزلريكه دوغدقلرى حينده ملك خطادن همان دايه سيله سرايده نشو و نما بولمغى التماس ايدوب مقبول واقع اولدقده اول سرايده مراتبنه كوره فردا فردا مسكن و مأوىلرى اولوب بيود كلرنده هر ييلده بركره نوروز كوننده عالى جمعيت اولوب ملك خطا قزنيك حضورينه كلوب جمعنه شمع اولوب بعده مرتبه كوره خلعتلر و عطا و احسانلر ايله مكانلرينه عودت ايدرلر بو امر سلاطين و وزرا و امرانك اون بيكده بريسنه انجق ميسر اولور خاصة خطا پادشاهنك قزلرى ضبطى ايچون و سائر سلاطين و وزرا و امرانك خدمتيچون نه مقدار خدام با اعتبار واردر طشره سرايك دخى ضبط و ربطينه نمقدار خدام با احترام تعيين اولمنشدر و سراى قيوسنى حفظ ايچون نمقدار عسكر جرار واردر و ايچر و حوليده سرايك دورينى حفظ ايچون نمقدار پاسبان تعيين اولنمشدر و سرايك حد و مقدارى و اوصافى وانده اولان عجيب قيولرى و غريب دربندلرى و دلفريب گوشه‌لرى و پادشاهك انده اولان كوس عدلى بياننده در الباب السابع اهل زندان بياننده‌در ارلر ايچون بشقه و عورتلر ايچون بشقه مكان ايدوب امور و مهمات زندان انلرك قانوننده جميع اوامر مملكتدن مقدمدر زيراكه قتل نفس هريرده عظيمدر خصوصا انلرك عندنده عظيمتر در و اهل زندانك مهماتنى صورمق ايچون تعيين اولنان بكلرو ديوانخانه‌لر و زندانلرنده باغچه‌لر و بستانلر و صندوقلره ادمى حبس ايدوب و سائر اهل جرمه مقدارنجه انواع سياست تعيين اولنمشدر انلرك بياننده در